बर्ने चिया बगान

यो झापा जिल्लाको उत्तरी गाविस शान्तिनगरमा पर्दछ । यहाँ चियाको अवलोकन तथा अन्य मनोरम दृश्यले गर्दा सबै समयमा पर्यटकको घुईचो लाग्ने गर्दछ । झापा जिल्लाको पूर्वदेखि पश्चिम र उत्तरदेखि दक्षिण सत्रबै क्षेत्रमा चियाको बगान छन् । र ती बगानमा चिया टिपेको, स्प्रिेकलरबाट सिचांइ गरेको हेर्न साह्रो आनन्द आउँछ ।

पिण्डेश्वर

विजयपुरमा अवस्थित पिण्डेश्वर हिन्दू तीर्थयात्रीका लागि महत्वपूर्ण तीर्थस्थल मानिन्छ । हिमवत्खण्ड पुराणको रुद्राक्षारण्य र महात्म्य अनुसार देवता र दानवले समुद्रमन्थन गरी निकालेको अमृत र विषमध्ये अमृतलाई छाने पछी बाँकी रहेको छोक्रा पिण्ड वनाइ प्mयालेको स्थान पिण्डेश्वर हो ।

दन्तकाली

सुुनसरी जिल्लाको धरान नगरपालिका वडा नं.–१४ विजयपुर डाँडाको मध्य भागमा दन्तकाली मन्दिर रहेको छ । मध्यकालतिर कालिकाका नामले जानिने उक्त देवीलाइ स्वस्थानी व्रतकथामा आधारित सतिदेवीको दाँत पतन भएको स्थान मानिन्छ ।

चतरा

सुनसरी जिल्लाको चतराधाम धरान नगरपालिका देखि करिब १३ कि.मि. पश्चिममा सप्तकोशी नदीको किनारामा पर्दछ । वराहक्षेत्र जाने वाटामा पर्ने चतरा ज्यादै प्राचीन स्थल मानिन्छ । पहाडको फेदीमा नै रहेको चतरामा मुख्यतया दुईवटा धार्मिक स्थलहरु छन् ।

बुढासुब्बा

धरान बिजयपुरको बूढासुब्बा स्थान किराँती धर्मावलम्बीहरुका लागि महत्वपूर्ण मन्दिर मानिन्छ । बूढासुब्बा मन्दिरभित्र दुईवटा माटाका ढिस्का उठाइएका छन् जसलाई बूढासुब्बा र बूढी सुब्वेनीका रुपमा पूजा आजा गर्ने चलन छ ।

बराहक्षेत्र

बराहक्षेत्र सुनसरी जिल्लाको मात्र नभएर नेपालकै सर्वाधिक महत्वपूर्ण र प्रख्यात तीर्थ हो । कोका कोशी संगममा पर्ने यो स्थान बराहक्षेत्र गा.वि.स. वडा नं.–१ मा अवस्थित छ ।

सुनवर्षी पोखरी

स्थानीय राजवंशीहरुले सुनवर्षी पोखरीलाई आप्mनो पवित्र स्थलका रुपमा लिने गरेका छन् । यस स्थानमा प्रत्येक वर्ष बैसाख १ गते सिरुवा मेला लाग्ने गर्दछ । सुनवर्षी पोखरीलाई राजवंशीहरुले आप्mनो समुदायको पवित्र तीर्थका रुपमा लिने गर्दछन् र त्यस पोखरीमा राजा सुनवर्षीले बास गर्ने धारणा रहेको छ ।

बेतौना सिमसारक्षेत्र

मोरङ जिल्लाका पर्यटकीय क्षेत्रको रुपमा विकास गर्न सकिने बेतौना सिमसारक्षेत्र पनि प्रमुख छ । यस क्षेत्रमा दुई प्रजातिका बेत बनस्पतिको जंगलनै रहेकाले यसलाई बेतौना भनिएको हो । चारकोशे झाडीभित्र उम्रिएको पानीले बर्षै भरी त्यहाँका ठूलठूला पोखरी भरिभराउ हुने हुँदा यस क्षेत्रलाई संरक्षित सिमसारक्षेत्रका रुपमा राखिएको छ ।

विराटराजाको दरवार

विराट राजाको दरवारसम्बन्धी जनविश्वास अनुसार महाभारत कालमा त्यस क्षेत्रमा पाण्डवहरु गुप्तवासका लागि आएका थिए । प्रचलित किंवदन्ती अनुसार विराट राजाको दरवार रहेको यस क्षेत्रमा पाण्डवहरुको गतिविधि चियो गर्न दुर्योधनले भेदियारी (गुप्तचर) पठाएका थिए ।

सतासीधाम

नेपालको पूर्व भागमा रहेको जनकपुर पछिको प्रमुख तीर्थस्थल भनी प्रसिद्ध सतासीधाम समुद्र सतहबाट २८० देखि ३०० मिटरसम्मको उचाइमा ७६.५ वर्ग कि.मि. क्षेत्रभित्र फैलिएर रहेको छ ।